विजयवाडा दि.11 – आंध्रप्रदेशात लोकसभेच्या 25 आणि विधानसभेच्या 175 जागांसाठी एकत्र निवडणुका होत आहेत.भाजप सोबत माजी मुख्यमंत्री चंद्रबाबु नायडु यांचा तेलगु देसम पक्ष आणि अभिनेते पवन कल्याण यांच्या जनसेना पार्टी ची युती झाल्यामुळे पंतप्रधान नरेंद्र मोदींच्या नेतृत्वातील एनडीए मजबुत आहे. आंध्रप्रदेशात लोकसबा आणी विधानसभेच्या सर्व जांगावर रिपब्लिकन पक्षाने एनडीए ला पाठिंबा दिला आहे. आंध्रप्रदेशात मुख्यमंत्री जगनमोहन रेडीवर जनता नाराज आहे. आंध्रप्रदेश विधानसभेत सत्ता परिवर्तन होणार असून प्रधानमंत्री नरेंद्र मोदीच्या नेतृत्वाचा करिष्मा दिसणार आहे असा विश्वास रिपब्लिकन पक्षाचे राष्ट्रीय अध्यक्ष केंद्रीय राज्यमंत्री रामदास आठवले यांनी व्यक्त केला.विजयवाडा येथे रिपब्लिकन पक्षाच्या कार्यकर्त्याच्या संमेलनात मार्गदर्शन करताना रामदास आठवले बोलत हाते. यावेळी रिपब्लिकन पक्षाचे आंध्रप्रदेश अध्यक्ष ब्रम्हानंद रेड्डी उपस्थित होते. रिपब्लिकन पक्षाचे परमशिवा नागेश्वरराव गौंड यांनी रिपब्लिकन पक्षाच्या वतीने दाखल केलेली उमेदवारी चंद्राबाबु नायडु यांच्या टीडीपी च्या विनंती वरुन मागे घेतली.ना.रामदास आठवले यांच्या आदेशाने रिपाइं चे उमेदवार परमशिवा नागेश्वरराव गौंड यांनी आपली उमेदवारी मागे घेतली. विधानसभेच्या सर्व जागांवर एनडीएला पाठिंबा जाहिर केला. रिपब्लिकन पक्ष आंध्रप्रदेशात एक विधान परिषद सदस्यत्व देण्याचे आश्वासन माजी मुख्यमंत्री चंद्राबाबु नायडु यांनी रामदास आठवले यांना दिले.यावेळी भाजप चे राष्ट्रीय नेते वरधा रामया यांनी विजयवाडा येथे ना.रामदास आठवले यांची भेट घेऊन भाजप तर्फे त्यांचे स्वागत केले.प्रधानमंत्री नरेंद्र मोदी यांनी मागील 10 वर्षात चांगले काम केले आहे.त्यामुळे सामान्य जनतेचा मोदींन वर विश्वास आहे.त्यामुळे आंध्रप्रदेशात मोदीच्या नेतृत्वाचा करिष्मा घडेल असा विश्वास ना.रामदास आठवले यांनी व्यक्त केला.विजयवाडा प्रवासा दरम्यान ना.रामदास आठवले यांनी येथील महामानव डॉ.बाबासाहेब आंबेडकर यांच्या 125फुटांच्या पुतळ्याचे दर्शन ना.रामदास आठवले यांनी घेतले.येथे महामानव डॉ.बाबासाहेब आंबेडकर यांच्या जिवन चरित्रावर आधारित कोरिव कलेतुन साकारलेले भिती चित्रमय प्रदर्शन प्रेक्षनिय आहे.18 एकर वर आणि 404कोटी रुपये खर्च करून महामानव डॉ.बाबासाहेब आंबेडकर यांचा पुतळा उभारण्यात आला आहे.येथे सुदंर उद्यान आहे. हजारों पर्यटक रोज येथे भेट देत असतात. महामानव डॉ.बाबासाहेब आंबेडकर यांच्या पुतळ्यास ना.रामदास आठवले यांनी विन्रम अभिवादन केले.यावेळी ना.रामदास आठवले यांच्या सोबत रिपब्लिकन पक्षाचे ब्रम्हानंद रेडी,परमशिवा नागेश्वरराव गौंड,रत्न प्रसाद आणि गोरखसिंग आदी मान्यवर उपस्थित होते.उद्या आंध्रप्रदेश चा दौरा पूर्ण करून ना.रामदास आठवले हे उत्तर प्रदेशात लखनऊ ला रवाना होत आहेत.लखनऊ मध्ये उद्या दि.12 मे रोजी भाजपचे लखनऊ लोकसभचे उमेदवार केंद्रीय संरक्षण मंत्री राजनाथ सिंग यांच्या प्रचारासाठी ना.रामदास आठवले यांची चारबाग,लखनऊ येथे जाहीर सभा आयोजित करण्यात आली आहे.तसेच लखनऊ मधील मोहनलाल गंज लोकसभा मतदार संघाचे भाजप उमेदवार केंद्रीय नगरविकास राज्यमंत्री कौशलकिशोर यांच्या प्रचारासाठी ना.रामदास आठवले यांची जाहीर सभा सी.एम.एस.ऑडिटोरियम आशियाना लखनऊ येथे आयोजित करण्यात आली आहे.
